Accueil > Amakuru > Muri Afrika > Kenya Airways yahawe ingurane y’imiriyoni 240 z’amadorare
Kenya Airways yahawe ingurane y’imiriyoni 240 z’amadorare
vendredi 4 Nyakanga 2015
Ishirahamwe ryunguruza abantu n’indege ryo mu gihugu ca Kenya Kenya Airways,ryahawe ingurana y’amadorare imiliyoni 240 zitanzwe na Reta ya Kenya hamwe n’ibanki Afreximbank.
Umushikiranganji w’ubutunzi mu gihugu ca Kenya Henry Rotich, yavuze ko Kenya Airways yagize uruhomba mu myaka itatu iheze arico gituma iryo shirahamwe ryahawe iyo ngurane.
Reta ya Kenya isanzwe ifisemwo imitahe ingana n’ibice 29,8 kw’ijana,yatanze imiriyoni 40 z’amadorare ,mu gihe ibanki Afreximbank yatanze ingurane y’imiriyoni 200 z’amadorare.
Mu ntango z’ukwezi kwa Myandagaro,Reta ya Kenya yari yamenyesheje ko ishirahamwe Kenya Airways rikeneye hagati y’imiriyoni 500 na 600 z’amadorare kugira rizamure ibikorwa,ariko ko yoshobora kugabanuka inyuma y’ivyirwa vy’abahinga.
Kenya Airways imaze kugira uruhombo rw’imiriyarodo 29,71 vy’amashiringi ya Kenya n’ukuvuga imiriyoni 294,30 z’amadorare gushika mu kwezi kwa Ntwarante 2015.
Mwomenya ko ishirahamwe Kenya Airways rigenzurwa ku bice 27 kw’ijana n’ishirahamwe Air France-KLM.
Van Naris Mugisha
