Kenya: Joshua Waiganjo yatawe muri yompi kuko yiyise umupolisi

Umugabo yitwa Joshua Waiganjo yagirijwe ko yigize icegera ca komiseri wa polise mu ntara ya Rift Valley.

Uyu mugabo yar’amaze imyaka itanu yose yiyita umupolisi, yagirijwe no kuba atunze umwambaro wayo bidaciye mu mategeko.

Ikindi caha yagirijwe n’ukwiba, ariko ivyo vyose arabihakana.

Nta nsobanuro zatanzwe ku cateye amakenga ku mwirondoro wa Joshua Waiganjo, bikaza kumenyekana ko abesha.

Umuvugizi w’igipolisi avuga k’uyu mugabo atigeze ahabwa umushahara.