Kenya: Kamilya Mohammedi yagirije Kenya kumuhohotera

Umugore ava muri Reta Zunze Ubumwe z’abarabu,aragiriza igihugu ca Kenya ko camurungitse mu buryo butemewe mu gihugu ca Somaliya na Etiyopiya kubazwa ibibazo.

Kamilya Mohammedi Tuweni,avuga ko bari bihenze igihe bamuhagarika bavuga ko akorana n’umurwi w’iterabwoba w’aba islam al-Qaeda.

Kamilya Mohammedi Tuweni,avuga ko mu bucamanza bw’i Nairobi ku murwa mukuru wa Kenya, akoresheje ubuhinga bw’amasanamu ari i Londres ku murwa mukuru w’Ubwongereza, Kamilya Mohammedi Tuweni yavuze ko yafashwe n’igipolisi kidasanzwe ari mu rugendo rw’akazi muri Kenya mu mwaka w’2007.

Avuga ko yahohotewe mu minsi 72 yamaze apfunzwe imbere yo kurekurwa ata caha kimwagiriye.

Mu gipolisi kijejwe kurwanya iterabwoba mu gihugu ca Kenya,kirahakana ivyashikirijwe na Kamilya Mohammed Tuweni.