Kenya: Uhuru Kenyatta ari imbere mu majwi y’imfatakibanza

Amajwi y’imfatakibanza mu matora y’umukuru w’igihugu ca Kenya yabaye ejo, ashira imbere icegera c’umushikiranganji wa mbere, Uhuru Kenyatta.

Ariko mu gihe ibiro vy’amatora vyinshi bitaratangaza uko vyagenze, uwo bahiganwa umushikiranganji wa mbere Raila Odinga, ashobora kumushikira.
Umukuru w’umugwi ujejwe amatora yavuze ko igitigiri c’amajwi yabaye impfagusa giteye impungenge.

Uhuru Kenyatta araronderwa na sentare mpuzamakungu mpanavyaha, aho yagirizwa ubwicanyi bwakurikiye amatora y’umukuru w’igihugu yo mu mwaka w’i 2007.
Ico gihe abantu barenga igihumbi barasize ubuzima mu bwicanyi bufatiye ku moko.