Kim Kardashian arahirira "umukundanya" Kanye West

Kim Kardashian ntahengeshanya kwiyerekana ubwiza bwiwe kuva aho yibaruki haraciye igihe gito, ivyo vyose ni mu ntumbero yo kugumya Kanye West, amugumizeko urukundo.

Kim rero akaba yatanze amasanamu yiwe ari mu gahuzu ko musi,nawe nyene ariko ariraba ubw’inyuma. Ubu akora ijoro n’umurango kugira ubwiza yari afise imbere y’uko yibaruka bugaruke na cane cane asubire atere akavyi Kanye West.

Uyo muvyeyi w’umwana yitwa North West asa n’uwizeye ko ubwiza bwiwe bugiye kugaruka aravye imfungurwa afata, kenshi ndetse akemera n’ukwiyicisha inzara kugira agabanuke. Ubu akaba yigaragaje yiyambariye agahuzu kamufata cane ubw’inyuma, agahuzu ko bajana kwoga mu mazi kugira West asubire arabe atomuhemukira.

Uyo mupfasoni w’imyaka 32 akaba arara ararota Kanye West w’imyaka 36, naho yabariye abagenzi biwe ko naho umushatsi womera ku menyo atarota abana na Kim Kardashian, amufata nk’umugenzi bisanzwe.