Kinindo: Ikigo "American corner" cuguruwe

Ubuserukizi bwa Leta zunze ubumwe za Amerika, biciye k’uwuserukira ico gihugu mu Burundi, Dawn Liberi n’umushikiranganji w’urwaruka inkino n’imico kama mu Burundi baruguruye kuri uyu wa mbere igenekerezo rya 10 Ruheshi 2013, ikindi kigo « American corner » muri komine Kinindo.

Ico kigo kije ciyongera ku caheruka kwugururwa icese mu bigo vya kaminuza y’Uburundi mu Kamenge, kikaba kizofasha abashakashatsi n’abanyeshure kuko bazohasanga inyabwonko n’ibitabu. Ico kigo kikaba kandi kije kwongerereza ubumenyi no guteza imbere ururimi rw’icongereza.

Twobamenyesha ko mu kiringo ca vuba hazokwugururwa ikindi kigo "American corner"mu ntara ya Gitega.