Accueil > Ubutunzi > Iterambere > Kirundo : Inkoko zijishwa n’abakenyezi ziramaze gushorwa mu Bwongereza
Kirundo : Inkoko zijishwa n’abakenyezi ziramaze gushorwa mu Bwongereza
lundi 21 Mukakaro 2014
Amwe mu mashirahamwe ataho yegamiye mu vya poritike yo mu ntara ya Kirundo, abandanya kwigisha abanyagihugu uko bokwiteza imbere, bakareka kuzera inze.
Ishirahamwe Apecoev.Safavo ryo mu ntara ya Kirundo, rikaba ribandanya gufasha abakenyezi mu bikorwa vyobateza imbere. Therence Nzohabonayo, umukuru w’iryo shirahamwe, akaba yabariye ikinyamakuru IGIHE ko inyuma y’inyigisho zo gusoma n’ukwandika zahawe bamwe muri abo bakenyezi, ubu naho baherutse kwigishwa imyuga. Muri ivyo abo bakenyezi basanzwe banatunze abana b’impfuvyi canke abandi nabo ari abapfakazi bigishijwe, hakaba harimwo ukujisha inkoko, ibiseke, n’ibindi. Abandi nabo bakaba barigishijwe uko borwiza umwimbu, mu kurwiza imbuto, no mu gukingira ibidukikije, barwiza imivyaro y’ivyamwa.
Umukuru wa Apecoev.Safavo, akaba avuga ko bimwe mu bimaze gukorwa n’abo bakenyezi bimaze gushorwa hanze. Aha agatanga akarorero k’inkoko zimaze gushorwa mu gihugu c’Ubwongereza izindi nazo zikaba zikiri mu bubiko kandi ari nyinshi. Iyo myuga yose ikaba ihabwa abakenyezi batari bake bo mu gisagara ca Kirundo, hamwe n’abo mu misozi ihanamiye iyo komine iri ku murwa mukuru w’intara ya Kirundo.
![](local/cache-vignettes/L600xH338/inko-d4660.jpg?1517353781)
Aristide Nizigire
Messages
21 Mukakaro 2014, 14:20, par terimbere
twereke ukuntu twozironka hano USA twigurire on line ..
22 Mukakaro 2014, 02:54, par Mama
Ndabashimiye ababankenyezi bajisha izi nkoko.
28 Mukakaro 2014, 11:53, par Therence
Abifuza kuzironka, twandikire kuri safavoapecoev@yahoo.fr canke nzothere@gmail.com. Mushobora kuduhamagara kuri 257 79 48 48 59. Raba ibindi bikorwa kuri www.facebook.com/apecoev.safavo canke www.facebook.com/Apecoev.Safavo page. Muguze muzoba mufashije cane. Menyekanisha ivyo bikorwa vyiza.
26 Myandagaro 2014, 21:04
Nukuri mukora igikogwa ciza kd cane. Natwe mwatubwira ukuntu vyotugeraho hano Norvege
29 Ndamukiza 2018, 09:23, par niyonizigiyesarah
nanje sazwe ariwo mwuga wanj nkora kujisha(vannerie) ariko kuronka isoko nikibazo uworonka isoko yobwira
murakoze
29 Ndamukiza 2018, 09:32, par niyonizigiyesarah
nanje sazwe ariwo mwuga wanj nkora kujisha(vannerie ibiseke,amakapo ,inkoko,ama plateau ariko kuronka isoko nikibazo uworonka isoko yobwira
murakoze