Accueil > Inkino > FOOTBALL > Kolo habib Touré yahagaritse gukina umupira w’amaguru
Kolo habib Touré yahagaritse gukina umupira w’amaguru
lundi 16 Ruhuhuma 2015
Umukinyi mpuzamakungu Kolo Touré yahagaritse akazi kiwe nk’umukinyi w’umupira w’amaguru haba mu murwi nserukira gihugu wiwe canke mu murwi yahora akinamwo.
![](local/cache-vignettes/L672xH504/kolo-toure-liverpool-v-west-brom_3077438-823fd.jpg?1551528094)
Inyuma yo gutsindira igikombe ca CAN ari icugazo mu murwi nserukiragihugu wa Côte d’Ivoire, Kolo Habib Touré yatangaje ko ahagaritse akazi kiwe nk’umukinyi w’umupira w’amaguru. Ku myaka 33 y’amavuka, yahora mu murwi wa Livepool wo mu Bwongereza ku nomero ya 4, abivuze mu kiganiro yahaye abamenyeshamakuru agira ati : "Ntaco ntakoreye igihugu canje, ariko harageze ko ndangiza". "ikindi naco n’uko iki ciyumviro canjemwo kuva kera, kandi nashaka ko norangiza amateka yanje ntsinze CAN 2015". Kolo Touré arangije urugendo rwiwe inyuma y’inkino 114 ari icugazo (défenseur) mu murwi nseruira gihugu muri Côte d’Ivoire (Elephants)
Kolo Habib Touré agiye asiga uwuzomusubirira mu kibanza c’inomero ya kane, uwo nawe n’icugazo Ousmane Viera Diarrassouba w’imyaka 28, akina ku nomero 3 mu murwi nserukira gihugu wa Côte d’Ivoire, no mu murwi Çaykur Rizespor wo muri Turquie. Kolo Touré ati : "Azofashanya n’abandi bakinyi bacaruka nka Eric Bailly na Wilfried."
Mwomenya ko Kolo Touré afise uburebure bungana metero (1,83 m) n’uburemere bungana ibiro 76. Avukana n’ibihangange vy’abakinyi Ibrahim Touré yitavye Imana kw’igenekerezo rya 19 Ruheshi na Yaya Touré.
Cherif Nkeshimana