Accueil > Ubutunzi > Leta yipfuza kumenya ubutare bwimbwe n’ubwashowe
Leta yipfuza kumenya ubutare bwimbwe n’ubwashowe
jeudi 20 Ruheshi 2013
Umushikiranganji w’ubutare n’agataka yarahaye ikiganiro abanditsi n’abamenyeshamakuru aho yariko arashikiriza ivyaranguwe n’ubwo bushikiranganji mu kiringo c’igice ca mbere c’umwaka w’2013.
Yamenyesheje ko muri aya mezi atandatu ya mbere y’umwaka wa mbere w’2013, haranguwe vyinshi, imigambi iriko araranguka nk’iyukubaka ingomero z’umuyagankuba, n’ibindi bikorwa biraba igisata c’amazi hamwe n’igisata c’ubutare n’agataka. Mu gisata c’amazi, umushikiranganji w’ubutare n’agataka avuga ko mu ntara za Cibitoke, Makamba, Kirundo, Rutana, Ruyigi, Bururi haranguriwe imigambi yo guha abanyagihugu amazi meza, mu gihe mu gisagara ca Bujumbura naho muri karatiye Aziyatike hubatswe ingomero zitanu zizofasha mu kuduza amazi mu misozi, uyo mugambi ukaba uriko urabandanya no muri komine ya Gihosha.
Mu gisata c’ubutare naho, umushikiranganji Kosima Manirakiza avuga ko, kuva kera ico gisata camye gisa n’icigaruriwe n’abantu bakoresha uburyo butemewe n’amategeko, kubera ivyo umushikiranganji yamenyesheje ko hagiyeho itegeko rigenga abacukura ubutare kuva bakibwimba, gushika umunsi wo kubudandaza, ivyo rero bikazotuma igihugu kimenya ubutare bw’imbwe n’ubwashowe.
Aristide Nizigire
