Libiya: Intagondwa yitwa Anas al-Liby yafashwe

Abasirikare karuhariwe ba Leta zunzubumwe z’Amerika bagize ibitero bibiri muri Afrika, bata muri yompi intagondwa ya al-Qaeda yitwa Anas al-Liby muri Libiya, kandi banatera umutwe wa al-Shabaab muri Somalia.

Anas al-Liby

Leta zunzubumwe z’Amerika zagiriza Anas al-Liby yafatiwe i Tripoli kuba yari inyuma y’ibitero vy’iterabwoba vyagizwe ku buserukizi bwa Leta zunzubumwe z’Amerika muri Kenya no muri Tanzania muri 1998. Muri Somaliya ho, igitero cari giteguriwe umukuru wa al-Shabaab mu Bumanuko bw’ico gihugu gisa nk’aho ataco cashitseko. Uwo mukuru wa al-Shabaab izina ryiwe ritaramenyekana, yagirizwa kugira uruhara mu gitero ku nzu y’ubudandaji ya Westgate Mall mu gisagara ca Nairobi mu kwezi guhezeabantu bashika 67.

Ifatwa rya Anas al-Liby asanzwe azwi cane kw’izina rya Nazih Abdel Hamed Al-Raghie ryanezereye cane ubutegetsi bwa Tripoli, ubu ndetse akaba azoca ajanwa imbere y’ubutungane bwo muri Leta zunzubumwe z’Amerika kugira aje kubarizwayo ivyo yagirizwa vyose.