Ligue ITEKA iranegura cane inyifato y’igipolisi

Inyuma y’ibara ryabaye I Businde kuri uwu wa 12 ntwarante 2013 ,ligue Iteka yaraneguye cane inyifato y’igipolisi cashwiragije abayoboke ba zebiya.

Nkuko bivugwa na Joseph Ndayizeye umukuru wa ligue Iteka, abo ba polisi bari gukoresha ibishoboka vyose kugira basubize ibintu mu buryo batarinze gukoresha ibirwanisho.

Amashirahamwe adaharanira ivyicaro vya politike barasavye abayoboke ba zebiya guca mu nzira yemewe n’amategeko kugira baronke uruhusha rwo gusengera ku musozi businde mu ntara ya kayanza.

Ligue ITEKA isaba sentare ya kayanza gukora amatohoza kugira berekane uruhara rw’umwe umwe wese mu vyabaye i businde.