LLB S4A yasezeye ihignwa CECAFA Kagame Cup itsinzwe na APR FC

Umurwi Lydia Ludic Sport 4 Africa wasezeye ihiganwa rya CECAFA Kagame Cup inyuma yo gutsindwa n’umurwi APR FC wo mu gihugu c’Urwanda,ibitsindo 2 ku gitsindo 1.

Urukino rwatanguye igihe c’isaha icenda ku masaha yo Burundi.Igice ca mbere c’urukino caheze umurwi LLS4A,wahatswe gutsinda igitsindo ariko umupira ugarurwa n’umukinyi Rwatubyaye Claude wa APR FC.

Igitsindo ca mbere ca LLB S4A cinjiye ku munota wa 53 mu gice ca kabiri cinjijwe na Nahimana Abdul Aziz .

Inyuma y’iminota itanu gusa,APR FC yishuye ico gitsindo inyuma y’ikosa ryakozwe na Kiza Fataki,ateye umupira n’ukuboko,umuhagarikizi aca atanga Penaliti,itegwa na Sibomana Patrick kandi arayinjiza.

Igitsindo ca nyuma cahaye intsinzi umurwi APR FC cinjijwe n’umukinyi Bigirimana Issa urukino rugomba rurangire,gutyo urukino ruhera ku bitsindo 2 vya APR FC n’igitsindo kimwe ca LLS4A.

Lydia Ludic Sport 4 Africa isezeye ihiganwa ririko ribera i Dar Es Salam ifise amanota 2 gusa kuko mu nkino zibiri yatanguye gukina,nta rukino yatsinze,zose baranganije n’umurwi bakina.