Lydia Ludic Burundi yiteguriye urukino rwo gusubiriza

I Bujumbura harategekanijwe urukino ruzohuza umurwi wa Lydia Ludic Burundi Academic FC (LLB Academic) n’umurwi wa Daring Club Motema Pembe ( DCMP) wo mu gisagara ca Kinshassa kuri uyu w’Imana igenekerezo rya 14 Ndamukiza 2013 ku kibuga citiriwe umuganwa Rudoviko Rwagasore.

Umurwi DCMP w’ i Kinshassa waramaze gufata indege ibashikana mu Burundi, mu gisagara ca Bujumbura gutana mu mitwe na LLB Academic FC.

Mu mateka y’uwo murwi wo gihugu ca Congo, bagira indwi mw’ihiganwa ryo mu gihugu cabo, bakaba baheruka kubura abakinyi batatu mw’isanganya ry’umuduga.

Tubibutse kandi ko uwo murwi uje mu rukino rwo gusubiriza inyuma yaho batsindiye LLB Academic FC igitsindo kimwe ku busa mu gihugu ca Congo, ku kibuga citiriwe abamaratiri.

Amakuru dukesha Burundi-agnews