Machar ntiyiteguriye guhagarika indwano

Impande zose ziriko zirarwana mu gihugu ca Sudani y’Epfo zemeye guhura mu biganiro vy’amahoro mu gihugu ca Ethiopia ariko Riek Machar we avuga ko atavyo guhagrika imirwano baravugana.

Yanavuze ko ingabo ziwe zigaruriye igisagara gikomeye ca Bor cari mu minwe y’ingabo za Reta, ariko ibi rero bikaba bitaremezwa, ndetse n’abanyagihugu canke amashirahamwe yigenga ari muri ako gace, akaba ataco arabivugako. Abarwanyi bakaba bateye ico gisagara hasigaye amasaha make kugira igenekerezo ntarengwa ryari ryatanzwe n’abakuru b’ibihugu bo mu karere k’Afrika y’Ubuseruko yuko impande zose zibwirijwe kuba zahagaritse indwano, atari ivyo naho, bakaja gutabara.

Machar rero akaba yari yamenyesheje ko atazohagarika indwano, mu gihe bamwe mu bayoboke biwe bari bakiri mu mabohero, kandi akavuga ko n’ibiganiro atageza kuvyitaba.