Malawi : Banyamwema barabangamiwe

Amashirahamwe aharanira agateka ka zina muntu muri Malawi yagize imyiyerekano kuri uwu wa gatatu, asaba inama nshingamateka y’ico gihugu ko yoshiraho amategeko akingira banyamwema babandanya kwicwa bunyamaswa.

Icegeranyo ishirahamwe mpuzamakungu ONU riheruka gusohora kivuga ko banyamwema bo muri Malawi bashobora guhona kubera ubwicanyi bakorerwa. Ikponwosa Ero, umwe muri banyamwema bo muri Malawi, avuga ko banyamwema baharurwa mu bihumbi icumi bashobora kwicwa nihatagira igikozwe kugira bakingirwe.

Banyamwema muri Malawi hamwe no mu bihugu bimwe na bimwe vyo muri Afrika bicwa n’abantu bavuga ko ibihimba vy’imibiri yabo bitera imigisha, iyo bikoreshejwe mu migirwa y’ubupfumu.