Matana : FVS amade yiyemeje gufasha mu kugarukana akanovera mu gisata c’indero

Mu ntara ya Bururi muri komine ya Matana buca hugururwa ishure abagenzi b’abana, aho iryo shure rizofasha cane cane abana bava mu miryango ikenye hamwe n’abana b’impfuvyi.

Spes Nihangaza umukuru wa FVS Amade akaba avuga ko iryo shure rizugururwa kuri uyu wa 15 Nyakanga, kandi rikazoba ryubatswe n’ico kigo nyene arongoye. iro shure rizokora nk’ayandi mashure na cane cane mu guteza imbere inyigisho nk’uko uwo mupfasoni abandanya abivuga. Ikigo FVS Amade kikaba kigiye kuzofasha mu
gusubiza akanovera inyigisho mu Burundi, mu gihe izo nyigisho bivugwa ko ziriko zirasubira inyuma.

Ariko rero naho biri uko, amashure menshi ari mu gihugu na cane cane amashure nshingiro, akaba afise ubukene bw’intebe, ibitabo hamwe n’abigisha babishoboye. Muri iryo shure buca ryugururwa muri iyo ntara ya Bururi, umupfasoni Nihangaza akavuga ko bazofasha cane abana batagira epfo na ruguru, babe aribo bazoharonswa ibibanza ku bwinshi.