Mauritanie : Abdel Aziz yasubiye gutorwa ku majwi arenga 80 kw’ijana

Mohamed Ould Abdel Aziz yahora arongoye igihugu ca Mauritaniya yaraye asubiye kwizerwa mu gihugu ciwe, mu gutsinda amatora y’umukuru w’igihugu. Akaba yaronse amajwi arenga ku bice 80 kw’ijana.

Inyuma yo guhiganwa n’abandi bantu bane, mu matora y’umukuru w’igihugu yaramaze igihe ariko aba, Abdel Aziz niwe yatahukanye intsinzi y’amajwi arenga 80 kw’ijana ku biharuro mfatakibanza vyatangajwe kuri uyu w’Imana wa 22 Ruheshi 2014. Umurwi warujejwe gucungera amatora (CENI), i Noukcholt, ukaba watangaje ibiharuro mfatakibanza vy’amajwi agera ku bice 81,89 kw’ijana, Mohamed Ould Abdel Aziz yatahukanye. Akaba yaciye imbere, umusirikare Biram Ould Abeid, amajwi agera kuri 8,67 kw’ijana.

Mwomenya ko abanyagihugu bitavye amatora y’umukuru w’igihugu ku bice bigera kuri 56,46 kw’ijana.