Mbuye : Umunyagihugu w’imyaka 25 yagandaguwe

Abantu bataramenyekana nibo bagandaguye umunyagihugu bamusanze aho yariko aradandariza muri komine ya Mbuye, intara ya Muramvya.

Uwo musore yaraye agandaguwe, akaba yari afise imyaka 25 y’amavuka. Yakora mu nyubakwa y’ubudandaji aho i Mbuye. Abamugandaguye rero boba bamwishe bamunize, kuko ata n’igikomere bamusanganye. Igiporisi n’intwaro muri iyo komine, bakaba batanguye amatohoza, kugira uwagandaguye uwo musore amenyekane, ndetse ashengezwe imbere y ‘ubutungane.

Mwomenya ko abagandaguye uwo musore, baciye bagenda basahuye amafaranga atari make aho yadandariza. Amafaranga nayo yibwe, n’ubu akaba atawurayamenya igitigiri. Abanyagihugu bo muri komine ya Mbuye, bakaba basaba ko abo bagizi ba nabi bishe uwo musore, boronderwa kandi bagahanwa bimwe vy’akarorero.