Accueil > Kwidagadura > umucuraranzi > Mkombozi > inkuru > Imipira n’inkofero vyanditseko "Mkombozi Hasta" bigiye kugurishwa
Imipira n’inkofero vyanditseko "Mkombozi Hasta" bigiye kugurishwa
mardi 2 Kigarama 2014
Mkombozi yasohoye imipira n’inkofero zanditseko amazina yiwe, abakunzi biwe bazohora bavyambara uko bashaka. Afise imigambi yo kwugurura inzu y’ubudandaji aho yogurishiriza izo mpuzu co kimwe n’izindi zigezweho.
![](local/cache-vignettes/L540xH960/10303384_855076517865253_384865518280063830_n-5212a.jpg?1517298724)
Mkombozi yumvikanye n’uwumufata mu mugongo "Manager" aba mu gisagara ca Dubai kugira amukoreshereze imipira n’inkofero zifise ikimenyetso canditsemwo indome"MH" bisigura "Mkombozi Hasta". Nk’uko yabituyagiye, uwo muririmvyi avuga ko yatanguye kubisabwa n’abakunzi biwe, hanyuma nawe abivugana n’uwumufata mu mugongo.
![](local/cache-vignettes/L540xH960/10734267_855076564531915_8037691088921487817_n-ac00a.jpg?1517298724)
Muri kino gihe hamaze gushika imipira n’inkofero bike ariko Mkombozi amaze kuronka isoko azoheza yugurure n’inzu y’idandarizo "magasin" yoshiramwo izo mpuzu co kimwe n’izindi zigezweho. Muri iyo nzira nyene, hamwe ikigo gitoza amakori "OBR" comworohereza yoheza agatangura vuba. Mkombozi abandanya amenyesha ko inkofero ishobora kuzogurwa amahera y’amarundi ibihumbi cumi na bitanu (15.000Frbu), agapira nako ibihumbi cumi (10.000Frbu) canke birenga bizovana n’ico abakunzi biwe bipfuza.
Tubibutse ko Mkombozi ariko araheraheza ururirimbo "Nzeyimana" yakoranye n’umuririmvyikazi azwi kw’izina rya Chance, ruzokwumvikana ubwa mbere mu biteramo vya Ikoh Multiservice bizoba kw’igenekerezo rya 19 na 20 Kigarama 2014.
![](local/cache-vignettes/L490xH1100/1417247883_img20141128wa0007-25b9a.jpg?1517298724)
Umviriza ururirimbo Mkombozi yise "Urudubi"
Cherif Nkeshimana
Messages
24 Kigarama 2014, 11:06, par Ben
ndashaka kugura ivyo bintu Mukombozi mumubwire agire publicite kugira tumenye aho zigurirwa
16 Ndamukiza 2015, 16:59, par Murema Wakabuye.Vumbi Kabuye Peace
Nanje Ndi Pre Kugura Uwomupira Ninkofero Vya Hasta.Peace.
18 Ndamukiza 2015, 21:37, par NSABIMANA BLAISE
NIYUMVIRA YOBANDANYA AKORA AKO KAZI
30 Kigarama 2015, 19:56, par Adelin
indirimbo,agomba.gusohorani.iyihe
5 Ruhuhuma 2016, 20:54, par Nkeshimana Egide Mh
Nukuri Nabizane Turabikeneye Kuko Mkumboz Mh Turamwemera Aduhe Indirimbo Igezweho Atwereke Kwaticaye
30 Mukakaro 2016, 21:21, par jeande_DIEU NDAYISHIMIYE
ndi jeande_DIEU Ikarusi mbay ndashima kubintu agum akora,abamuhiganabo nibacir birarura,yatanguy batazi azobaho bafwuraramaso tuzomushigikira,tuzomushigikira bapfuramasa,amuhiganabo indirimbo nazo turiko turakora,mkombozi yaradutanz kumenyekana .novuganti komer abakunzi nabo bamajambo ya mkombozi novug ati akataraza karimunyuma abamuhiga nabo nobabwira ati umugabo mwishinga ushigikira igiti kitagumwe git hnuts mugahnukana. banzubaz M H ucubaza A P WASASA akataraza karimunyuma utaki .usitake hasita.
30 Ntwarante 2017, 07:11, par Iranzi Kopesi
Jewe nkeneye indirimbo yiwe nshasha.