Muramvya : Imvura yaguye yabomoye amazu arenga 50

Imvura yaguhye ku musozi wa Kirama muri komine ya Muramvya yononye ibitari bike.

Amazu, imirima n’ibindi bitandukanye bikaba vyononywe n’iyo mvura yari ivanze umuyaga mwinsi. Amazu yabomotse akaba arenga mirongo itanu. Imirima yo nk’uko abanyagihugu bo mu Kirama babivuga urubura rwaguye rukaba rwarayononye bidasanzwe, yose ikaba yamaze kubenja.

Abanyagihugu bo kuri uyo musozi wa Kirama basaba abatware bo hejuru co kimwe n’abagiraneza kubagarukirako, babafashishe amabati, hamwe n’imfungurwa, kuko aho barimye ataco bazosoroma. Bavuga ko inzara igiye kubicira mu bana,mu gihe bari barimye. Iyo komine ya Muramvya rero rikaba ritabaye irya mbere imvura ibononera imirima. Aho imwe mu misozi igize iyo komine yigeze guhura n’imvura,imirima irononekara cane haraheze iminsi.