Muramvya: Umusuma yishwe n’abanyagihugu

Umusuma azwi kw’izina rya Ntakiritimana Innocent yaragandaguwe n’abanyagihugu mw’ijoro ryo kuwa kane igenekerezo rya 09 Rusama 2013, mu gihe yariko agerageza kwiba.

Abanyagihugu bo ku musozi Nyagisozi, komine Kiganda, intara ya Muramvya bashwabaduwe na nyene urugo rwari rugira rwibwe, baca bafata uwo musuma baramwica.

Mugenzi we, Etienne Kamwenubusa, bari kumwe yarashoboye kubaca mu ryahumye, ariko nawe yahavuye afatwa mu gatondo k’uno musi kuwa gatanu, aca ashikirizwa abajejwe umutekano muri komine Kiganda.

Naho vyagenze uko, musitanteri wa komine Kiganda yamenyesheje ko abanyagihugu bovavanura n’iyo ngeso yo kwihanira, asaba ko uwufashwe yoshikirizwa inzego z’ubutungane, maze intahe ikamwokera.