Mwaro:Ishure nshingiro ryaruguruwe muri komine Kayokwe

Icegera ca mbere c’umukuru w’igihugu Therence Sinunguruza ari kumwe n’uwuserukira igihugu c’u Bushinwa mu Burundi baruguruye inyubakwa z’ishuri nshingiro mu ntara ya Mwaro.

Kuri uno wa kabiri igenekerezo rya 8 Nzero 2013, ku mutumba wa Kivuruga muri zone Matyazo ya komine Kayokwe mu ntara ya Mwaro, niho icegera ca mbere c’umukuru w’igihugu Therence Sinunguruza ari kumwe n’uwuserukira igihugu c’u Bushinwa bugurura inyubakwa z’ishuri nshingiro.

Nkuko mu majambo yagiye arakurikirana vyavuzwe,ngo izo nyubakwa zubatswe n’intererano yatanzwe n’ishirahamwe ry’iterambere ry’urwaruka rw’abashinwa nkuko babikoze no mu zindi ntara nka Ngozi, Muramvya, Karusi na Cankuzo.

Mw’ijambo ryiwe icegera ca mbere c’umukuru w’igihugu yarasavye abanyamwaro ko bobungabunga izo nyubakwa kuko zifise akamaro k’urwaruka rwu Burundi bw’ejo no ku gihugu muri rusangi.

Twobamenyesha ko izo nyubakwa zifise agaciro kangana n’amafaranga umuriyoni w’amadorare y’abanyamerika.