Myanmar : Ubutegetsi bwa gisirikare bwari bumaze imyaka 50 bwasezerewe

Umugambwe National League for Democracy utwarwa na Aung San Suu Kyi niwo watsinze amatora y’abashingamateka muri Myanmar.

Inyuma y’imyaka 25 yari iheze, ayo niyo matora ya mbere atabayemwo intureka n’ugushamirana muri ico gihugu.

Umugambwe National League for Democracy muri ayo matora watahukanye intebe nyinshi mu nama nshingamateka, bigatuma ushobora gushiraho Reta hamwe n’umukuru w’igihugu mushusha.

Aung San Suu Kyi umukuru w’umugambwe National League for Democracy

Aya matora akaba ariyo aje gusezerera ubutegetsi bwa gisirikare bwari bumaze imyaka irenga 50 mu gihugu ca Myanmar.

N’aho biri uko, ibwirizwa shingiro ry’ico gihugu ntirirekurira Aung San Suu Kyi umukuru w’umugambwe National League for Democracy kuba umukuru w’igihugu, kuko yamaze imyaka igera kuri 15 apfunzwe ic’amaso, inyuma y’aho igisirikare kimwatse intsinzi yari yaronse mu matora yo mu mwaka w’1990.