Ngagara: Umuntu umwe yarishwe na nyene akabare arakomereka

Umusore azwi kw’izina rya Gislain Nkebukirema yarishwe , nyene ubunywero arakomereka mu gitero cabaye mw’ijoro ryo kuri uyu wa kabiri 09 ndamukiza 2013 .

Uwo yishwe yaba mu karitiye ya 6 ya komine ngagara ,mu gisagara ca Bujumbura, Abanyagihugu bo mu ngagara barasaba ko umutekano wocungerwa birushirije kugira batuze ubwo bubisha.

Tukivuga ivy’umutekano ,Pontiano Hatungimana ,umuhanuzi mukuru wa buramatari w’intara ya Ruyigi aremeza ko umutekano wifashe neza mu ntara yabo muri rusangi. Ariko aramenyesha ko hari ingorane y’amatati y’amatongo,ubusuma mu mazu hamwe n’akaborerwe .