Ngozi : Inyubakwa z’ubudandaji 9 nizo zahiye ziratokombera

Utuzu tw’ubudandaji mu ntara ya Ngozi ku musozi wa Burengo nitwo twahiye turatokombera, inyuma yaho dufatiwe n’umuriro.

Nk’uko ayamakuru ava i Ngozi abivuga, intandaro ya vyose yoba ari ububiko bw’imwe mu nyubakwa y’ubudandaji bita kiosque yoba yafashwe n’umuriro, iyo nayo ica idomeka n’izindi zose vyari vyegeranye, aho utuzu tw’ubudandaji tw’i Burengo icenda, twahiye turatokombera, abahadandariza ubu bakaba bifumbereje, kuko bamwe ataco bashoboye kurokora.

Igiporisi kijejwe gutabara kikaba cashitse giteba, kuburyo ataco bashoboye gukiza. Abanyagihugu bagasaba abaporisi basanzwe bajejwe gutabara, kwama bagavye kuko ndetse n’imiduga ijejwe kuzimya umuriro ikama iteguwe ku munsi ku munsi.