Nigeria: Amategeko y’umukwabu muri Leta ya Taraba

Mu duce tumwe two muri Leta ya Taraba iri hagati muri Nigeriya hashizweho amategeko y’umukwabu inyuma yaho abantu hafi 20 biciwe mu bikorwa vyo gukubagurana hagati y’imisoresore y’abakirisitu n’iy’abasiramu.

uko kutumvikana kwatanguye ku wa gatanu igihe haba ibirori vyo gushingura umuyobozi mukuru w’imico y’ico gihugu mu gisagara ca Wukari.

Ababibonye bavuga ko abari muri ivyo birori biganjemwo imisoresore y’abakirisitu bo mu bwoko bw’abajukuni baciye mu gace kiganjemwo abasiramu.
Umuvugizi w’igipolisi yavuze ko abantu barenze 50 bahakomerekeye mu mishamirano yahabereye.

Icuka kibi kimaze iminsi cibonekeza muri ico gisagara guhera mu kwezi kwa kabiri k’uyu mwaka igihe batangura gupfa ikibuga c’umupira hagaca hatangura ukwutumvikana bifatiye ku madini.