Nigeria : Amerika yarungitse abandi abasirikare gufasha kurondera abanyeshure banyurujwe

Igihugu ca Reta zunzubumwe z’Amerika carungitse izindi ngabo zongera kuzari zarungitswe mu ntumbero yo gufasha abasirikare b’igihugu ca Nigeria gutora irengero ry’abanyeshure banyuruzwa n’umuhari wa Boko Haram wagirizwa iterabwoba.

Abasirikare 80 b’abanyamerika nibo barungitswe mu gihugu ca Tchad mu ntumbero yo gukora ibikorwa vyo guperereza n’ugucungera hejuru y’igihugu ca Nigeria, hamwe n’uturere tubanyi, nk’uko vyashikirijwe ku munsi w’ejo kuwa gatatu n’umukuru w’igihugu ca Amerika Barack Obama mw’ikete yasohoye. Abo basirikare bazokoresha indege ya kajugujugu idafise ibirwanisho yarungitswe mu gihugu ca Tchad ahahana urubibe n’uburaruko bushira ubuseruko bwa Nigeria. Ubwo buryo bwongeye kubwari buriyo kuva mu ndwi iheze, indege zisuma urusaku hamwe n’imirwi y’abahinga ba Nigeria, mu bikorwa vyo kurondera abo bigeme, bari kumwe n’abahanuzi batandukanye ba Amerika bajejwe gushigikira abasirikare.

Mwomenya ko abavyeyi b’abana banyurujwe n’ubu bataramenya amakuru y’abana babo 223 banyurujwe bakuwe kw’ishure bigako i Chibok mu buraruko bushira ubuseruko bw’igihugu ca Nigeria.