Nigeria : Bararindiriye ivyavuye mu matora

Umurwi ujejwe gutegura amatora mu gihugu ca Nigeria wamenyesheje ko baza kumenyesha ibizoba vyavuye mu matora y’umukuru w’igihugu.Mw’ sihiarahamwe mpuzamakungu ONU bakaba bashima uburyo ayo matora yagenze.

Amajwi rero yatanguye kwegeranywa igisagara ku gisagara, ibiharuro mfatakibanza vy’ayo matora bikaba vyitezwe kuri uno wa kabiri.

Ayo matora rero yahuje umukuru w’igihugu Goodluck Jonathan hamwe n’uwo bahiganwa Muhammadu Buhari niyo matora ya mbere kuva mu mwaka w’1999 igihe intwaro rusangi isubira kugaruka, atabonetsemwo utunenge twinshi mbere abasanzwe ari abarorerezi bayo bavuga ko yakozwe mu muco no mu mutekano.
Ariko mu murwi w’abarorerezi bo mw’ishirahamwe ry’abanyaburaya, mu karere ka Rivers ,bemeza ko habayeho utunenge tumwe tumwe ,nka bamwe wasanga batera ubwoba abagiye gutora n’utundi tunenge. Ariko umukuru w’umurwi utegura amatora muri co gihugu , Attahiru Jega , yamenyesheje ko amatohoza ku vyerekeye abo bavuga ko habayeho utunenge , yaramaze gutangura.

Umunyamabanga mukuru w’ishirahamwe mpuzamakungu ONU Ban Ki Moon, yakeje abanya nigeria kuri ayo matora kubwiwe yabaye mu mutekano ntangere kandi ku rutonde.