Nigeria : Boko Haram yishe abantu 48 b’abarovyi

Intagondwa zihurikiye mu murwi w’abarwanyi ba boko haram bo mu gihugu ca Nigeria basubiye kwiha inkumbi, aho bahitanye abantu bagera kuri 48.

Abo bishwe n’abo barwanyi bavuga ko bashira imbere idini rya Islam bakaba bishe abarovyi 48 mu gisagara ca Chibok, mu Buraruko bwa Nigeria, ku rubibe ico gihugu gihana na Tchad, nk’uko vyemezwa n’umukuru w’izo ntagondwa.

Mukamenya ko kuri uyu wa kane w’iyi ndwi turiko turarangiza, izo ntagondwa nyene zari zazibiye ibarabara rihuza Nigeria na Tchad. Bikavugwa ko intagondwa zigera kuri 10, arizo zari zazibiye ako karere hafi y’igisagara ca Doron Baga, ku kiyaga ca Tchad. Ntabantu zishe, ariko ubwoba bwo bukaba bwiriwe butekeye ababa hafi y’iyo micungararo, ndetse abakunda kuja gusama akayaga kuri ico kiyaga bakaba batiriwe barajayo, kugutinya kwicwa n’abo bakozi b’ikibi