Nigeria:Ubuhinga bwo kubakisha inzu n’amacupa ya plastic biragabanya umwanda

Mu gihugu ca Nigeria batanguye ubuhinga bwo kubaka inzu bakoresheje ibicupa vya plastic mu kibanza ca matafari, ivyo bikagabanya amafaranga hamwe n’umwanda ivyo bicupa bishobora gutera

Ubuhinga bwo kubakisha inzu n’amacupa ya plastic mu kibanza c’amatafari bwaramaze gutangura gukoreshwa muri Nigeria, bugafasha igihugu kubungabunga ibidukikije mu gihe tuzi ko ivyo bicupa ari umwanda.Si ivyo gusa, ubwo buhinga buragabanya n’amafaranga, umuntu akoresha mu kwubaka. Ibinyamakuru bimwe vyo muri ico gihugu vyatangaje ko ayo mazu usanga akomeye cane.

Mu kubakisha rero ayo macupa mu kibanza c’amatafari, bagenda bashiramwo isima n’ivyondo hanyuma bagahambira n’imigozi.Abantu bavyubaka baremeza ko biba bikomeye cane ku buryo amasasu canke ibindi bishobora gutuma inzu isenyuka bidashobora kuyimbomora.