Nigeria : Umwe mu bigeme banyurujwe kw’ishure rya Chibok yabonetse

Abanyagihugu bo mu gihugu ca Nigeria bavuga ko umwe mu bakobwa banyururijwe kw’ishure ya Chibok n’umugwi wa Boko Haram yabonetse, akaba abaye umuntu wa mbere arokotse mu kiringo c’imyaka ibiri.

Abakobwa barenga 200 baranyurujwe n’abagwanyi ba Boko Haram mu gisagara kiri mu buraruko bushira ubuseruko bwa Nigeria mu myaka ibiri iheze.

Umwe mu baharanira agateka ka zina muntu muri ico gihugu, Hauwa Abdu, yabwiye BBC ko uwo mwigeme yatowe ku munsi wa kabiri ku mugoroba n’umugwi w’abajejwe umutekano inyuma y’intambara yari yahuje abo bajejwe umutekano hamwe n’abantu vyibazwa ko ari abagwanyi ba Boko Haram.

Nk’uko bishikirizwa n’umwe mu bategetsi bo mu nzego zo hasi muri Nigeria, uwo mwigeme yatabawe n’abajejwe umutekano yari afise umwana, bompi bakaba baciye bahabwa igisirikare ca Nigeria mu gisagara ca Damboa.