Nta mupolisi yatumwe guhohotera abanyagihugu

Mu kiganiro icegera c’umuvugizi w’igipolisi c’u Burundi OP1 Pierre Nkurikiye yahaye abamenyeshamakuru kuri uyu wa 18 Ruhuhuma, yamenyesheje ko abapolisi bariko barirukana abadandariza hafi y’isoko iheruka gusha, nk’uko babisabwe n’inzego zirongoye igihugu.

Nk’uko OP1 Pierre Nkurikiye abandanya abimenyesha, ngo igipolisi ntikiramenya ko hariho bamwe muri abo birukanwa boba bahohoterwa n’abapolisi.

Nayo ngo ku boba bakubitwa canke bakononerwa utwo badandaje n’abo bapolisi, ngo bokwitura ababakurira mu gipolisi, vyanse bakitura ubutungane. Kubwa OP1 Nkurikiye Pierre, ngo ntamupolisi arekuriwe guhohotera umunyagihugu, ari naco gituma hariho bamwe bari mu minwe y’inyamira mabi n’ubutungane kubera iyo ngendo.

Aho atanga akarorero ka bamwe bamwe hano i Bujumbura,Cibitoke na Ruyigi