Ntakirahinduka mw’itunganywa ry’ikivuko ca Bujumbura

Inyuma y’iminsi cumi iheze ikivuko ca Bujumbura gihawe ishirahamwe Global Ports Service ntakintu gishasha kiboneka ko kiriko kirakorwa mwitunganywa ry’ico kivuko nkuko abatari bake bari bavyiteze

Umuyobozi mukuru w’ishirahamwe Global Ports Service ubu ariryo rifise mu minwe ico kivuko ca Bujumbura amenyesha yuko ubu ikiriko kirakorwa ari ugutunganya gushasha ibisata biri muri iryo shirahamwe mu ntumbero yo gutunganiriza neza abanywanyi babo.

Mwomenya ko abamenyeshamakuru basavye kugendera ico kivuko ca Bujumbura kugirango bamenyeshe uko ibintu vyifashe ubu, ariko bakaba batemerewe. Abarongozi bashasha b’ ico kivuko bakaba bashikiriza gusa yuko bariko bahindura ukuntu akazi gatunganijwe.