Prosper Bazombanza yakiriye uwahoze aserukira igihugu ca Algerie

Icegera ca mbere c’umukuru w’Igihugu, Prosper Bazombanza yakiriye mu gatondo ko kuri uwu wa mbere, uwahoze aserukira igihugu ca Algerie mw’ishirahamwe mpuzamakungu ONU, Idriss JAZAIRY.

Nk’uko vyashikirijwa n’icegera ca mbere c’umukuru w’igihugu, Prosper Banzombanza, iyo ntumwa idasanzwe Idriss JAZAIRY yatumiwe na Reta y’Uburundi bafadikanije n’ubuserukizi bw’Ubufaransa. Idriss JAZAIRY aje kuganirira abarundi n’amakungu, aho azokwerekana ingene ibihugu bitari bike na cane cane igihugu ca Algerie ingene cakoze n’ubwira bwinshi kugira kive mu magume cari gihitiyemwo (plan de sortie de crise).

Azoba ari akaryo ko kwerekana uko bavyifashemwo kugira n’Uburundi bushobore kuhabonera akarorero. Mukamenya ko iyo ntumwa idasanzwe yo mu gihugu ca Algerie izoremesha ikiganiro kuri uwo wa kabiri 18 Munyonyo 2014.