RDC: Umurwi utegura amatora wigije inyuma amatora y’aba buramatari

Umurwi wigenga utegura amatora mu gihugu ca Republika iharanita intwaro rusangi ya Kongo,wigije inyuma amatora y’abakuru b’intara yari ategekanijwe kw’igenekerezo rya 31 Myandagaro 2015.

Mw’itangazo ry’umurwi wigenga utegura amatora,uwo murwi umenyesha ko ayo matora yungururijwe kw’igenekerezo rya 6 Gitugutu,kubera ibibazo bijanye n’itunganywa rishasha ry’intara.

Umurwi utegura amatora umenyesha ko ikibazo nyamukuru gishingiye kuko inama nshingamateka ku rwego rw’intara,zarangije ikiringo kandi kandi zitariga kuri ico kibazo.

Muri iryo tangazo,umurwi wigenga utegura amatora,umenyesha ko uriko uriga inzira vyokorwamwo kugira batunganye ikirangaminsi cohura n’itunganywa rishasha ry ‘intara zishasha.

Mu kurindira,umurwi CENI utegura amatora mu gihugu ca Republika iharanira intwaro rusangi ya Kongo,waciye wigizayo ikiringo co gushikana ibisabwa kugira umuntu aronke uburenganzira bwo kwitoza mu murwi CENI,canke bwo kwuzuza abari batanze izidakwiye.