REGIDESO : Bane bagirizwa ubunyonyezi birukanywe

Abakozi bane bo mw’ishirahamwe REGIDESO birukanywe vy’agateganyo bazira ko boba bari inyuma y’itangwa nabi ry’amasoko.

Abo birukanywe akaba ari Madidi Desire, Burege Deogratias, Nimpaye Renovat, Kavyandari Deogratias bagirizwa n’umukuru w’ishirahamwe REGIDESO Liberat Mpfumukeko ko bari inyuma y’amasoko yagiye aratangwa nabi, gushika ndetse n’aho hari amafaranga agera ku miriyaridi 2 iryo shirahamwe ritarariha, kandi babona ko birimwo amanyanga.

Muri Syndicat y’abakozi ba REGIDESO barashima iryo yirukanwa, ndetse bakavuga ko hari n’abandi bakozi bo hejuru bakwiye gufatirwa ibihano kuko bari mu batuma iryo shirahamwe ribonwa ko ritunganije nabi, inyuma y’amatohoza yarigizweko. Ariko rero mukamenya ko icegera c’umukuru wa Syndicat y’abakozi ba REGIDESO co kimwe na bamwe mu bakozi bakaba bafashe ukundi iryo yirukanwa.