Riek Mashar yahunze igihugu

Umuyobozi akomeye atavuga rumwe n’ubutegetsi muri Sudani y’Epfo, Riek Mashar, yaheruka gusubirizwa mu mabanga y’icegera c’umukuru w’ico gihugu, yahunze, yerekeza i Kinshasa ku murwa mukuru wa Repubulika Iharanira intwaro rusangi ya Congo.

Riek Mashar yerekeje i Kinshassa inyuma y’igihe kigera ku kwezi ahungiye muri Equatoria y’ubuseruko, imwe muri Reta 10 zigize Sudani y’epfo. Riek Machard yashitse aho i Kinshassa kuri uwu wa mbere, bikavugwa ko ashobora kwerekaza i Addis Ababa muri Ethiopia.

Uguhungabana kw’umutekano hamwe n’ubwicanyi birabandanya muri Sudani y’Epfo, ishirahamwe mpuzamakungu ONU naryo rikaba riheruka gufata ingingo y’ukurungika abasirikare baryo bagera ku bihumbi bine.