Accueil > Amakuru > u Burundi > Rugazi: Umukuru w’inama nkenguzamateka ngo ntiyibagira abiwe
Rugazi: Umukuru w’inama nkenguzamateka ngo ntiyibagira abiwe
lundi 6 Rusama 2013
Umukuru w’inama nkenguzamateka y’Uburundi Gaburiyeri Ntisezerana, yaragarukiye kubahuye n’ivyago bu muri komine Musigati mu ntara ya Bubanza.
Muri urwo rugendo, Gaburiyeri Ntisezerana yaherekejwe n’abategetsi batandukanye harimwo n’umushikiranganji wo gufatana munda umupfasoni Korotirida Niragira.
Abo bategetsi bakaba bishikiye muri zone Muyebe ari nayo yabangamiwe kuruta izindi kubera imvura yaguye muri izi ndwi zirangiye. Muri iyo Zone, hakaba harabomotse amashure atandukanye n’amazu atari make.
Abanyagihugu bahuye n’ivyago kuruta abandi baronkejwe ibiro 15 vy’umuceri hamwe n’amabati ashika kuri 726 yatanzwe.
Umukuru w’inama nkenguzamateka akaba yasavye abanyagihugu bo ngaho i Musigati, ko boraba ukwo biyegeraniriza mu bigwati biteguwe neza, mu kwikingira amasanganya aturutse ku mvura, mu gihe binavurwa ko imisozi n’amabuye vyoba vyarahitanye abantu muri ako karere.
Floxella Karire
