Rugombo : Abanyagihugu bararembejwe n’ibura ry’amazi

Komine ya Rugombo mu ntara ya Cibitoke imaze indwi zibiri itagira amazi, abanyagihugu bo ku murwa mukuru w’iyo komine, bakavuga ko buca barwara indwara ziva kw’isuku rike.

Indwi zibiri zirangiye atamazi muri iyo komine ya Rugombo, ibintu bikaba bigeze ndetse aho ibido y’amazi igurwa amafaranga agera ku 500. Abanyagihugu baremeza ko iyo ngorane y’ibura ry’amazi ije gusongera isibe izindi ngorane z’ubukene zari zisanzwe zibonekeza mu gihugu. Bamenyesha ko ibiza vy’indwara ziva kw’isuku rike bigiye kuzobatera, aha bakavuga nk’indwara ya korera, amacinya n’ugucibwamwo ku bana bato.

Mwomenya ko mw’ishirahamwe Regideso bemeza ko amazi akenye muri iyo komine y’intara ya Cibitoke, ariko bakavuga ko iyo ngorane yama yibonekeza kenshi mu gihe co mu ci.