Rumonge: yaciriwe umunyororo w’imyaka itanu yagirizwa ubusuma

Umunyororo w’imyaka itanu niwo waciriwe uwitwa Yves Arakaza na Sentare nkuru ya Bururi, kuwa mbere igenekerezo rya 25 Ntwarante 2013.

Uwo yaciriwe urwo rubanza yari yateshejwe n’abasirikare bafadikanije n’abanyagihugu kuwa kane igenekerezo rya 21 Ntwarante, aho yariko agerageza kwiba ku muhana wo muri zone Kigwena, muri komine Rumonge, intara ya Bururi.

Yarafise Inkoho yo mu bwoko bwa pistolet ikaba iri mu minwe y’abajejwe umutekano.