Rutegama : Iterambere ryashwaye iyo komine

Ikomine ya Rutegama iriko iragerageza kwiteza imbere mu butunzi, nk’uko vyavugiwe mu nama yahuje imvukira z’iyo komine.

Komine ya Rutegama iri mu ntara ya Muranvya, yaradugije bimwe biboneka amafaranga yahora yinjiza buri mwaka. Iyo komine ikaba yavuye ku miriyoni 44 z’amafaranga y’amarundi mu mwaka w’2010, ija ku mafaranga angana angana imiriyoni 110 mu mwaka w’2013, nk’uko vyavugiwe mu nama yahuje imvukira z’iyo komine, ku murwa mukuru wa komine ya Rutegama. Iyo komine rero nk’uko vyavugiwe muri iyo nama, ibisata vyose bikaba vyifashe neza, aho nko mu gisata c’indero, Rutegama ni iya mbere mu kumenyesha abanyeshure mu kibazo ca Reta, giha uburenganzira abana b’iya gatandatu kubandanya uw’indwi, ikaba n’iy’umunani mu gihugu cose.

Mukamenya ko abari bitavye iyo nama bumvikanye ko bagiye kwegeranya imiriyoni zigera kuri 50, mu ntumbero yo kwubaka inzu y’igorofa izokoreramwo ibisata bitanduanye vya komine ya Rutegama, imbere y’uko amatora yo mu mwaka w’2015 agera. Ivyo vyose rero, bikaba bishoboka kubera abari mu nama mpanuzwajambo ya komine, bumvikana mu vyokorwa mu ntumbero yo guteza imbere ikomine yabo.