Ruyigi : Bamwe mu barwayi bagirije umuforoma kubashurashuza ku nguvu

Umuforoma wo mu ntara ya Ruyigi yagirijwe na bamwe mu barwayi ko abafata ku nguvu, abanje kubatera imiti isinziriza, ari imbere y’inyamiramabi kugira zigire amatohoza, icaha kimwagiriye ajanwe imbere y’abacamanza.

Inyamiramabi ifise urwo rubanza, imenyesha ko amatohoza ageze kure, kugira barabe namba icaha kimwagira. Ku va ku muhingamo wo kuri uyu wa kane igenekerezo rya 20 Ntwarante, uyo muforoma yagirizwa kuba ashurashuza kunguvu bamwe mu bapfasoni n’abigeme baje kwivuza, ndetse akabanza kubatera umuti usinziriza, apfungiwe muri comisariya y’igiporisi aho nyene mu ntara ya Ruyigi.

Uwafashwe arahakana icaha, akavuga ko ari ibara bagomba kumwambika, n’aho abo amaze gukorera ako kaga bo, bamwagiriza ko yabahumiye, kandi bari barwaye. Uwo muforoma rero hamwe ico caha comwagira, bikaba bitegekanijwe ko yoca yinjira ibohero rikuru, agakubitwa intahe mu gahanga.