Ruyigi : Indwara yateye ibitungwa

Ubuyobozi bujejwe indimo n’ibitungwa mu ntara ya Ruyigi bumenyesha ko hari indwara yateye ibitungwa, iyo nayo ikaba imaze guhitana ibitari bike.

Nk’uko muri ubwo buyobozi babivuga, ibitungwa bigera kuri 10 biramaze gupfa muri komine ya Nyabitsinda iri muri iyo ntara ya Ruyigi. Ibitungwa bifatwa bigira ubushuhe bwinshi. Mu gisata kijejwe ubworozi rero muri iyo ntara bamaze gutangura kuraba uko ibitungwa vyokingirwa. Mu buyobozi bw’uburimyi n’ubworozi muri iyo ntara ya Ruyigi bavuga ko iyo ndwara yoba yavuye kw’ihinduka ry’ibihe.

Aborozi basabwa igitungwa gifashwe bakabona gifise umuriro mwinshi, ko bokwihutira kurondera umuganga w’ibitungwa, aho kwihutira kugishirako imbugita.