Sudani Y’Epfo: Salva Kiir yashize umukono ku masezerano y’amahoro

Umukuru w’igihugu ca Sudani y’Epfo Salva Kiir, yashize umukono ku masezerano y’amahoro mu ntumbero yo guhagarika no guheza indwano zimaze amezi 20 hagati ya Reta n’uwahoze ari icegera ciwe Riek Mashar.

Salva Kiir, yari yanse gushira umukono kuri ayo masezerano mu ndwi iheze avuga ko afise amakenga kuri ayo masezerano.

Ivyemejwe muri ayo masezerano, bitangura gushirwa mu ngiro mu kiringo kitarenze amasaha 72.

Mu kwubahiriza ayo masezerano, abasirikare bava mu yandi mahanga z’amahanga bategerezwa kuva muri ico gihugu, kandi nta basirikare bemerewe kuba bari hafi y’umurwa mukuru w’igihugu, Juba.

Salva Kiir,yahimirijwe cane n’amakungu kugira yemere ayo masezerano, azoja muri Reta y’ubumwe bw’igihugu ari kumwe n’umukuru w’abatavuga rumwe na Reta Riek Mashar.

Sudani y’epfo yaronse intahe yo kwikukira mu mwaka w’2011, ariko yabandanije ibangamirwa n’intambara zo gusubiranamwo kuva mu mwaka w’ 2013.