Syriya:Jenerari Shalal yataye igisirikare

Jenerari Abdul Aziz al-Shalal aravuga kw’igisirikare ca Syria kitariko kirakingira igihugu, ahubwo cahindutsemwo imirwi y’abicanyi.

Jenerari Shalal, ari nawe musirikare afise ipete rinini amaze kuva ku gisirikare ca Syria kuva hatanguye indyane mu myaka ibiri irangiye, bivurwa ko yagiye muri Turkiya.

Umwe mu bajejwe umutekano muri Syria aravyemeza ko bwana Shalal yahunze ariko akavuga yuko yari mu kuja mu karuhuko k’izabukuru, ari nayo mpamvu yikuye ku gisirikare kugira yiyerekane nk’intwari.