Tangara : Abanyagihugu ntibarajijuka mu kurima kijambere

Muri komine ya Tangara mu ntara ya Ngozi, abanyagihugu babeshejweho n’uburimyi n’ubworozi n’aho abanyagihugu bataramenya neza kurima kijambere nk’uko bivugwa na Gédéon Ntahokaja musitanteri w’iyo komine.

Musitanteri amenyesha ko igiterwa c’icayi arico gitunze abanyagihugu benshi. Ariko rero Gédéon Ntahokaja, avuga ko abo arongoye bibagora kurima kijambere, kuko n’ubu bakirima bakoresheje ubuhinga bwa kera. Ubwo buhinga nabwo bukaba butuma umwimbu utarwira. Iyo komine rero isanzwe iri mu Buraruko bw’igihugu, iratunzwe n’ubworozi bw’ibitungwa bitobito nk’uko Ntahokaja abandanya abimenya. Ivyo bitungwa bikaba bihari kugeza ku bice 90 kw’ijana.

Mukaba mwomenya ko mu mazone atanu agize iyo komine ya Tangara, bivugwa ko uburimyi kijambere atari ikirenga, ahubwo abarimyi baguma bizigitira ku burimyi bwa kera. Mu gihe abo barimyi bokwijukira kurima kijambere, kikaba kitobuza ko umwimbu urwira cane muri iyo komine.