Accueil > Amakuru > Muri Afrika > Togo : Amatora y’umukuru w’igihugu yigijwe inyuma
Togo : Amatora y’umukuru w’igihugu yigijwe inyuma
dimanche 29 Ntwarante 2015
Mu gihugu ca Togo, amatora y’umukuru w’igihugu yungururijwe kw’igenekerezo rya 25 Ndamukiza uwu mwaka.
![](local/cache-vignettes/L616xH400/vote-election-legislative-mali-urne-71df7.jpg?1517433584)
Iyo ngingo ikaba yafashwe n’inama nshikiranganji y’ico gihugu, inyuma y’ugusaba umurwi ujejwe amatora muri ico gihugu ca Togo, ko boraba bagakosora ubunenge bwose bwotosekaza ayo matora, bugakosorwa kugira haze hatunganywe amatora meza, ataho ahengamiye. Ayo matora akaba yegejwe imbere, mu ntumbero yo gushira mu ngiro ivyasabwe n’ishirahamwe rihurikiyemwo ibihugu vyo mu Burengero bw’Afrika biri muri CEDEAO, aho abarongoye uwo muryango basavye ko hoba amatora meza, ataho yegamiye, kandi yubahiije bose ku mugaragaro.
Mukamenya ko abatavuga rumwe na Reta barimwo uwitwa Jean-Pierre Fabre, bari basavye umurwi ujejwe amatora icegeranyo c’integuro y’amatora, aho abo batavuga rumwe na Reta babona amanyanga adasanzwe mu nteguro y’amatora y’umukuru w’igihugu.
IGIHE