Turikiya: Abashingamateka bateranye ingumu n’imigere bapfa itegeko rishasha

Muri Turikiya itegekeko rishasha rivuga ivy’umutekano ryatumye abashingamateka batowe mu mugambwe uri k’ubutegetsi barwana n’abatavuga rumwe n’ubutegetsi bari mu nyubakwa ikoreramwo inama nshingamateka y’ico gihugu.

Mw’ijoro ryo ku munsi wa kane igenekerezo rya 19 Ruhuhuma 2015 abashingamateka bo mu gihugu ca Turikiya bahuriye mu ngoro y’inama nshingamateka bagiye kwiga itegeko ryo kwongereza ububasha ba buramatari mu kwongereza aba porisi. Iryo tegeko ryari rigamije guhasha abagira imyiyerekano. Iryo tegeko ryahavuye rivamwo ingumu n’imigere hagati y’abashingamateka bava mu mugambwe Cumhuriyet Halk Partisi(parti républicain du peuple) watowemwo umukuru w’igihugu Recep Tayyip Erdoğan n’abatavuga rumwe nawe.

Iryo tegeko riha ububasha ba buramatari bwo guta muri yompi abanyagihugu bigira imyiyerekano bakabifashanya n’igipolisi. Abashingamateka batavuga rumwe na Reta bararihakana bavuga ko ari kwaka uburenganzira abanyagihugu uburenganzira bw’imyiyerekano.

Si ubwa mbere abashingamateka bo muri ico gihugu barwanira mu ngoro bakoreramo hakagira n’abakomereka.

Raba aba munsi uko vyagenze