Accueil > Ubutunzi > Turkish Airlines igiye kuzoza irakorera i Bujumbura
Turkish Airlines igiye kuzoza irakorera i Bujumbura
jeudi 12 Ruhuhuma 2015, par
Guhera mu mwaka w’2016, abarundi basanzwe bagira ingendo mu gihugu ca Turikiya bagiye kworoherwa kuko Kompanyi y’indege Turkish Airlines igiye kuzokorera mu gihugu c’Uburundi.
Ubuserukizi bw’igihugu c’Uburundi muri Turikia burongowe na Nkurabagaya Joel bwaragendeye ikompanyi y’indege Turkish Airlines mu ntumbero yo kurabira hamwe n’indongozi z’iyo kompanyi inzira hamwe n’uburyo bw’ishirwa mu ngiro ry’amasezerano yagiranywe hagati ya Reta y’Uburundi na Turukiya mu mwaka w’2012.
Muri uwo mubonano bakaba bashoboye kwemeranya ko guhera mu mwaka uza wa bibiri na cumi na gatandatu, hoba habonetse ibarabara ryo mu kirere rizohuza igisagara ca Bujumbura n’umurwa mukuru wa Turikiya Instanbul. Iyo kompanyi y’indege ikaba yaramaze kurungika umurwi uza kuvugana n’izindi kompanyi zisanzwe zikorera mu gisagara ca Bujumbura nka Ethiopian Airlines hamwe na Rwandair ukungene bakora. Mu kwezi nakwo kuza kwa Ntwarante, iyo kompanyi Turkish Airlines, izoba yarungitse umurwi ujejwe kwiga ikibuga mu Burundi.
Tubamenyeshe ko muri urwo rukurikirane rw’urwo rugendo rw’ubuserukizi bw’igihugu c’Uburundi muri Turikiya, bashoboye kugendera n’ibindi bisata nk’igisata c’indero, igisata c’amahinguriro, hamwe n’igisata c’ubutunzi, urudandazwa n’ibindi.
Floxella karire
Messages
13 Ruhuhuma 2015, 17:56, par Nuwera
Mwenibi biranezera,
Ariko bamwebadatarwa kwandika ngaha mutege hagizenumwe aryongora! Nonemurazimpamvu badahezangobashigikire ibintunkibi? Nuko arikimenyetso cerekanako badashaka icocose citwa iterambere aha Burundi, nicogitumabibanda mugushangiraya kukantu kabarimabi.
15 Ruhuhuma 2015, 00:00, par Raynold
Kugira izoze hazobanze hafutwe OBR kuko niyo ifatiye amaboko imugongo abadandaza! Izotwara bande ko abadandaza bamwe bahungiye hanze kudandarizayo!! Abandi barahomvye naba bank yatwaye nutuzutwabo!! Izotwara abakozi ba reta baja muma mission nonyene???