Turkiya : Umukuru w’igihugu mushasha yiyemeje gutwarira bose

Recep Tayyip Erdogan yahoze ari umushikiranganji wa mbere w’igihugu ca Turkiya, niwe yaraye atorewe kuba umukuru w’ico gihugu mu kiringo c’imyaka itanu.

Recep Tayyip Erdogan yari umushikiranganji wa mbere wa Turikiya kuva mu mwaka w’2003, akaba yamenyesheje ko agiye kurongora igihugu mu gushira hamwe abanyagihugu bose, mu gutsimbataza amahoro n’umutekano, mu kurwaniriza hamwe ico ari coc ose, coza kigomba kubasubiza inyuma. Recep Tayyip Erdogan afatwa nk’umuntu akomeye cane muri ico gihugu.

Mu mahiganwa y’ayo matora, uyo mugambo akaba yaronse amajwi agera kuri 52 kw’ijana, nayo uwari arongoye urunani rw’imigambwe itavuga rumwe n’uwari ku butegetsi Ekmeleddin Ihsanoglu asanzwe yarananonosoye akahise w’imyaka y’amavuko 70, akaba yaronse amajwi 38, nayo Selahattin Demirtas yari yitoje ku ruhande rw’inkehwa zo muba Kurde, akaba yaronse amajwi 10 gusa kw’ijana.

Recep Tayyip Erdogan akaba yamenyesheje abo arongoye ko, igihe c’amatora giheze, igihe c’ukwikeka abandi kirangiye ndetse igihe c’ugushwana carangiye, ubu ari igihe ku banyaturkiya bose mu guteza imbere igihugu cabo. Avuga ko agiye kuba umukuru w’igihugu w’abantu imiriyoni 77, ko atazotwarira abamutoye gusa.